ယောဖြူ

Wednesday, July 23, 2008

အလွမ်း

အလွမ်း.....တဲ့

လွမ်းဖူးမှ သိလိုက်ရတဲ့ အလွမ်းရယ်....
တော်တော်ဆိုးပါလား ...

Friday, July 18, 2008

အချစ်ရေ
ဝေးခဲ့ကြရပြီ
ထာဝရအတွက်လား
တခဏပဲဖြစ်ပါရစေကွယ်
မင်းမသိတဲ့
ငါ့ရဲ့အချစ်တွေ
မင်းမသိတဲ့
ငါ့ရဲ့အဖြစ်တွေ
ငါ့ရင်ထဲကဝေဒနာ
ဆယ်နွေထက်ကဲနေပါပေါ့လား။
ကွဲကြေလုအသည်းလွှာ
ကန္တာရအဆုံးမှာတော့
အချစ်ရေ
ကြိတ်မှိတ်ကာပြုံး။

မီးလျှံသက်သက်

မှေးစက်ခိုဝင်
သူ့ရင်ခွင်ထဲ
တိုးဝှေ့ဖြတ်သန်း
ပိုးဖလံတစ်ကောင်လို
မီးလျှံသက်သက်အနမ်းကိုမှ
တမ်းတနေတတ်တာ။

အချစ်အတွက်
အရိုင်းသက်သက်
ရင်ခွင်ပျက်ယွင်း
မသိခြင်းတွေကသာ
သူမသိတဲ့အလွမ်း
သူမသိတဲ့တမ်းတခြင်းတွေနဲ့
ရူးသွပ်နေဆဲပါလေ။

နှလုံးသားပဲ့ကြွေ
လမ်းခွဲရက်စက်သွားလေလည်း
အိပ်မက်ထဲတိုး
နှိပ်စက်နှိုးလည်း
အိပ်ပျက်ညတွေများနေလည်းလေ
သည်တသက်မှာ
နှုတ်မဆက်ပါပဲ
မီးလျှံထဲတိုး။

Monday, July 14, 2008

ကိုယ်ချင်းစာစိတ်

ဘ၀က တခါတခါ ကိုယ်ထင်ထားတာ ထက်တောင် ကြမ်းတမ်းတယ်။ ချိုမြိန်မှုတွေရဲ့  နောက်ကွယ်မှာ ခါးသက်

တဲ့ အရာတွေ ရှိနေတတ်တယ်။ရောဂါပျောက်အောင်လို့  အ၀င်မဆိုးအောင် ဆေးသကြားဖုံးထားတဲ့  ဆေးခါးခါး

တွေလိုပေါ့။ မသောက်ချင်ပေမဲ့  အခြေအနေအရြ ကိတ်မှိတ် သောက်ရတာတွေ မပြုံးချင်ပေမဲ့  ဟန်ဆောင်ပြုံး

နေရတာတွေကို စိတ်ပျက်ချင်လာတယ်။ ဒါပေမဲ့ ရှောင်လွှဲလို့ ရတဲ့အရာမှ မဟုတ်ပဲလေ။ မဖြစ်သင့်ဘူး ထင်တဲ့

အရာတွေကို မဖြစ်အောင် ထိန်းချုပ်နေရတာက ပိုပင်ပန်းတယ်။ မွန်းကြပ်တယ်။ ခံနိုင်ရည် မရှိချင်တော့ဘူး။

မသိတဲ့လူဆိုရင်မသိဘူးဆိုပြီး ခွင့်လွှတ်ပေးလို့ ရရင်ရမယ်။ ကိုယ်ကိုယ်တိုင်က သိနေတော့လည်း အသိအတိုင်း

ကျင့်ကြံနိုင်ဖို့ ကြိုးစားရတော့မယ်။ အခက်အခဲတွေ ကတော့နေရာတိုင်းမှာ ရှိနေမှာပါပဲ။ ကိုယ်လုပ်လိုက်တဲ့

အရာတစ်ခုအတွက် သူတပါး အဆင်ပြေရင် ကိုယ်နာကျင်ကြေကွဲရကျိုး ခံစားရကျိုးနပ်ပါတယ်။ အားလုံးဟာ

တစ်ဦးမဟုတ်တစ်ဦး အတွက်တော့ အဖြည့်ခံတွေ ဖြစ်လာကြရတာပဲလေ။ ကိုယ့်အတွက် အဖြည့်ခံသက်သက်

လူမျိုးနဲ့ တွေ့ ရသလို ကိုယ်ကိုယ်တိုင်က အဖြည့်ခံဖြစ်နေတဲ့ အခါလည်းရှိမယ်။

ဥပဒေမှာ သင်ခဲ့ရတယ် ယုံကြည်ရန်လုံလောက်သော အချက်အလက်ရှိသော အခါမှတပါး မည်သည့်အရာကိုမှ
ယုံကြည်ရန်အကြောင်းရှိသည်မမည်တဲ့ ။ဒါကြောင့် ယုံကြည်မှု ရှိဖို့ဆိုတာမလွယ်ပါဘူး။ နားလည်မှုဆိုတာ လုပ်ယူလို့ရပေမဲ့  ယုံကြည်မှု ဆိုတာက ကိုယ်ကိုယ်တိုင်က ယုံမှဖြစ်တာမျိုးပါ။ တစ်ခုခုကို ယုံကြည် မိပြီဆိုရင်
ယုံကြည်တဲ့အတိုင်း ဖြစ်လာရင် ဖြစ်လာဖြစ်မလာရင် တော်တော်ခံရ ခက်လိမ့်မယ်။ တခါတခါကျတော့ ယုံကြည်မိတဲ့အတိုင်း ဖြစ်လာခဲ့တာတွေက မကောင်းပြန်ဘူး။ ဘယ်လိုအနေအထားပဲ ဖြစ်ဖြစ် လူတစ်ယောက် ဆီက ယုံကြည်မှုကို ရယူလိုက်နိုင်တာဟာ အဲဒီလူရဲ့  ဘ၀အစိတ်အပိုင်းတစ်ခုကို ရလိုက်သလိုပါပဲ။ ဘာလို့လဲဆိုတော့ ယုံကြည်မှုရဖို့ဆိုတာ ခက်ခဲတယ်လေ။

လောကမှာ မသေချာဘူး ဆိုတဲ့အရာတွေက အသေချာဆုံးပဲ။ သေချာတယ်ဆိုတဲ့ အရာတွေက မသေချာဘူး။

သြော်ဘ၀မှာ ကိုယ်ဖြစ်ချင်တာထက် ဖြစ်သင့်တာလေးတွေ ဖြစ်ခွင့်ရခဲ့ရင် တောင်မှကောင်းမယ်။ အကောင်းဆုံးကို ရွေးချယ်ခွင့်မရှိတဲ့ ငါ့အတွက် အကောင်းဆုံးက ရွေးချယ်သွားပါစေလို့ ပြောရမလားပဲ။ ဖတ်ခဲ့ဖူးတဲ့ကဗျာထဲကလိုပေါ့ ကျရှုံးတိုင်းသာ ငိုရပါမူ ဘယ်မှာမျက်ရည် ကျန်မည်နည်း။ လှိုင်းပုတ်တိုင်းသာ ပြိုရပါမူ ဘယ်မှာမြေကြီး ကျန်မည်နည်း ဆိုတဲ့ စာသားလေးတွေက လူ့ဘ၀ကို လှစ်ဟပြနေသလိုပါပဲ။ အရှုံးရှိရင် အနိုင်ရှိမယ်။ အနိုင်အရှုံးမရှိတဲ့ အရာကတော့ စစ်မှန်တဲ့ မေတ္တာတရားပဲ ဖြစ်မယ်ထင်တယ်။ အဆင်ပြေနေတာမြင်ရင် ကိုယ့်မှာပါ ပျော်ရွှင်နိုင်တဲ့  မုဒိတာစိတ်ကပဲ ကိုယ့်ဘ၀ကို အေးချမ်းမှုပေးနိုင်မှာ သေချာတယ်။ ဘယ်အရာကိုပဲ ဖြစ်ဖြစ် ကိုယ်ကိုယ်တိုင်နဲ့ နှိုင်းပြီးတော့ ကိုယ်ချင်းစာ စိတ်လေးမွေးကြည့်လိုက်ရင်ခု ဖြစ်ပျက်နေတဲ့ အရာ အားလုံးဟာ ကိုယ့်အတွက် ငြိမ်းချမ်းမှု တွေဖြစ်လာလိမ့်မယ်။ မိတ်ဆွေ သူငယ်ချင်းတို့အားလုံးလည်း ကိုယ်ချင်းစာစိတ်လေးတစ်ခုနဲ့ အရာရာကို ရင်ဆိုင်ဖြတ်သန်းနိုင်ကြ ပါစေလို့  ဆုတောင်းပေးလိုက်တယ်။

Saturday, July 12, 2008

ခွင့်ပြုပါ

သင်္ကြန်အတက်နေ့
တိုက်ဆိုင်လွန်းတယ်
မထင်မှတ်ဘဲ
ဖြတ်သန်းလာခဲ့ရတဲ့နေရာက
နင် ၄နှစ်တာကျင်လည်ခဲ့တယ်ဆိုတဲ့
အသိနဲ့တင်
ငါ့ ရင်တွေခုန်လာတယ်
တစ်ခါတွဲလျှောက်ခဲ့ဖူးတာက
တသက်စာဖြစ်သွားခဲ့ပြီလား
အာကြီး အသင်းကိုကြိုက်တတ်တဲ့ နင့်ကို
ဘော့လုံးပွဲကြည့်တိုင်း သတိရတယ်
Keyboard ပေါ်မှာလက်ချောင်းတွေတင်ပြီး
စကားလုံးတွေကို ပထမဆုံး ဖန်တီးတတ်ခဲ့စဉ်က
ငါ ရိုက်မိတဲ့စာလုံးတွေက
နင့် နာမည်သုံးလုံးဖြစ်နေခဲ့တာပါပဲ
Express ကားတစ်စင်းနဲ့ အမည်နဲ့တူတဲ့
နင့်နာမည်ကို ငါဘယ်တော့မှ
မေ့မရသေးဘူး
အညာမြေတစ်နေရာမှာ
နင်ရှိနေတယ်ဆိုတဲ့ အသိနဲ့တင်
ငါကျေနပ်နေပါပြီ
နင်ရေးပေးခဲ့ဖူးတဲ့
ကဗျာတွေထဲကလို
ကောင်မလေးကိုတွေ့ နေပြီလား
စံပါယ်ရနံ့တွေသင်းနေတဲ့
နင့်ကဗျာလေးတွေနဲ့
ခွဲခွါခဲ့ရတာလည်းကြာပြီ
အချိန်တွေကြာလာတာနဲ့အမျှ
ခံစားမှုတွေက ပြောင်းသွားမယ်လို့
နင်ထင်လား
အစားထိုးကြည့်တာတောင်မရတဲ့
ငါ့နှလုံးသားရဲ့  နက်ရှိုင်းမှုကို
၅ နှစ်တာ ပတ်သက်ခဲ့ဖူးတဲ့
သံယောဇဉ်နဲ့ တင်
နင်ပြန်လှည့်ကြည့်သင့်တယ်
ဖုန်းထဲကနေဂရုစိုက်ပြတတ်တဲ့
ငါ့ရဲ့  အိပ်မက်ကလေးရေ
နွေ မိုး ဆောင်း
ပြောင်းလဲပေမဲ့
အိပ်မက်တစ်ခုတည်းကိုပဲ
တစ်စိုက်မတ်မတ်မက်တတ်တဲ့
ငါ့ကို
နိုးထခွင့်ပြုပါတော့။

မှားယွင်းသွားသောသီအိုရီ

သက်ရောက်မှုတိုင်းမှာ
တန်ပြန်သက်ရောက်မှုရှိတယ်တဲ့
နယူတန်ရဲ့  "နိယာမ"
မေတ္တာဆိုတာရောင်ပြန်ဟပ်တယ်တဲ့
ဗုဒ္ဓတရား
မင်းနဲ့တွေ့မှ
အားလုံးမှားပြီပေါ့
မျှော်လင့်ချက်တွေ ပေးပေးပြီး
ဝေးခဲ့ရတဲ့ အဖြစ်
ဘကြီးအောင်လို ညာရက်ခဲ့တယ်။

ရင်ဖွင့်ဖော်

မွန်းကြပ်လွန်းပြီ
ဒါဏ်ရာတွေကများလွန်းပြီ
ကံကြမ္မာရဲ့ ရိုက်ပုတ်မှုတွေက
လွန်လွန်းပြီ
လောကဓံတဲ့ 
သွေးစိမ်းရှင်ရှင်ကျအောင်
ငါ ခံစားခဲ့ဖူးပြီ
ပတ်ဝန်းကျင်မှာ
မျက်နှာငယ်နဲ့ နေခဲ့ရတဲ့ဘ၀က
အချိန်ကြာလွန်းပြီ
ဘယ်တော့မှလွတ်မြောက်မှာတဲ့လဲ
နေ့နေ့ညည
ဒုက္ခတွေက နှိပ်စက်နိုင်လွန်းတယ်
ရင်ဖွင့်ဖော်ရယ်.....
သွေးဆုတ်ဖြူရော်နေတဲ့
ငါ့ရဲ့ စိတ်ဝိညာဉ်တွေကို
ဘယ်လိုနွေးထွေးမှုမျိုးနဲ့
နှစ်သိမ့်စေမှာလဲ
အဝေးကနေ
တစ်ယောက်ကိုတစ်ယောက်က
နွေးထွေးစေကြမယ်လေတဲ့
ဒါပေမဲ့.........
မင်းမရှိတဲ့ မနက်ဖြန်တိုင်းအတွက်
ပစ္စုပ္ပန်ကိုချန်လှပ်ပြီး
အနာဂါတ်ကို......
ငါဘယ်လိုနှလုံးသားမျိုးနဲ့
ရပ်တည်ပြီး
မောင်းနှင်သွားနိုင်မှာတဲ့လဲ။