တစ်စက္ကန့်ကနေ နောက်တစ်စက္ကန့်၊ တစ်မိနစ်ကနေ နောက်တစ်မိနစ်၊ တစ်နာရီကနေ နောက်တစ်နာရီ၊ တစ်လကနေ နောက်တစ်လ၊ အချိန်တိုင်း စက္ကန့်တိုင်း ပြောင်းလဲနေတာကို ငါသတိထားမိရဲ့လား။ နှစ်တစ်နှစ်ကနေ နောက်တစ်နှစ်ကို ပြောင်းမှပဲ ပြောင်းလဲခြင်း၊ အိုမင်းရင့်ရော်ခြင်း ပိုကြီးရင့်လာခြင်း၊ အဲဒါတွေကို အသိအမှတ်ပြုရမှာလား ... ဒါမှမဟုတ် ငါဘယ်လောက်ပိုသိလာသလဲ ... ဘာတွေကိုပိုတိုး တက်အောင်လုပ်လာနိုင်သလဲ .... အပေါ်ယံပကာသန တိုးတက်မှုလား၊ စိတ်ပိုင်းဆိုင်ရာတိုးတက်မှုလား ၊ လုပ်ငန်းတစ်ခုကို ကျွမ်းကျင်ပိုင်နိုင်စွာ လုပ်ကိုင်လာနိုင်ခြင်းလား၊ ဒါမှမဟုတ် သည်းခံစိတ် ပိုမိုမွေးမြူ လာနိုင်ခြင်းလား၊ ရုပ်ပိုင်းဆိုင်ရာ ရင့်ကျက်မှုလား၊ စိတ်ပိုင်း ဆိုင်ရာရင့်ကျက်မှုလား၊ သေခြင်းတရားနဲ့ တဖြည်းဖြည်းနီးလာတာလား၊ အပါယ်တံခါး ပိတ်ဖို့အတွက် ပိုနီးစပ်လာတာလား၊ ကိုယ့်ကိုယ်ကိုအတွက် ဘာမှမလုပ်နိုင်သေးရင်တောင် ကိုယ့်ပတ်ဝန်းကျင်အတွက် တတ်စွမ်းသမျှ ဘာလုပ်ပေးခဲ့တာရှိလဲ၊ လူတစ်ယောက်ရဲ့ အဆင့်အတန်းကို အဲဒီလူ ပရဟိတ ဘယ်လောက်လုပ်သလဲ ဆိုတာနဲ့ တိုင်းတာတယ်တဲ့ ။ ငါကရော ဘာတွေဘယ်လိုလုပ်ပြီးပြီလဲ ပရဟိတဆိုတာ နာဂစ်ဖြစ်တဲ့ဒေသကိုဆင်းပြီး သွားလှူနေမှ မဟုတ်ပါဘူး။ ကိုယ့်အနီးအနား ပတ်ဝန်းကျင်မှာရှိတဲ့ လူတွေကို စောင့်ရှောက် ကြည့်ရှုတာဟာလည်း ပရဟိတပါပဲ။ လုပ်အားနဲ့ပဲဖြစ်ဖြစ် ငွေအားနဲ့ပဲဖြစ်ဖြစ် ကာယ၊ ဥာဏ ဘာတွေနဲ့ လုပ်ပေးခဲ့ဖူးပါလိမ့် ... ဒီအချိန် သေသွားရင်ကိုယ်ပြုခဲ့တဲ့ ကုသိုလ်တွေကို နှလုံးသွင်းနိုင်တဲ့ အနေအထားရော ရောက်ပြီလား ... မသေချာဘူး ထင်တယ်။ ကဗ္ဗည်းထိုးရလောက်အောင် မဟုတ်ပေမယ့် ကိုယ့်စိတ်ထဲမှာ အချိန်အခါ နေရာ ဒေသမရွေး နှလုံးသွင်းနိုင်တဲ့ ကုသိုလ်ကောင်းမှုတစ်ခုခုတော့ ရှိသင့်တယ်။ တစ်နှစ်ကနေနောက်တစ်နှစ်ကို ပြောင်းသွားလို့ ကိုယ့်ကိုယ်ကို ဒီလိုပြန်တွေးကြည့်နေတာလား ဆိုတော့မဟုတ်ပါဘူး။ ညတိုင်းမဟုတ်ပေမယ့် ရံဖန်ရံခါ တွေးမိပါတယ်။ မောပန်းလို့ အရမ်းအိပ်ချင်နေတဲ့ ညမျိုးကလွဲရင်ပေါ့။ တစ်နှစ်လုံးစာခြုံပြီးတွေးလည်း ဒီအတွေးပါပဲ တစ်နေ့စာတွေးလည်း ဒီအတွေးမျိုးပဲ။နှစ်ဟောင်းကနေ နှစ်သစ်ပြောင်းတဲ့နေ့ပေမယ့် ကျွန်တော့် အတွက်တော့ သမားရိုးကျနေ့လေးတစ်နေ့ပါပဲ။ ကျွန်တော်ကိုယ်တိုင်ကပဲ အပြောင်းအလဲအပေါ်လိုက်ပြီး မတွေး တတ်တာလား။ ဒါမှမဟုတ် သမားရိုးကျ နေထိုင်မှုမှာပဲ အသားကျချင်နေတာလား။ ပြောင်းလဲမှုတွေပေါ်လိုက်ပြီး ကျွန်တော်မပျော်ရွှင်တတ်ဘူး။ ပုံမှန် လည်ပတ်နေကျ လမ်းကြောင်းတစ်ခုလိုပဲ New Year ဆိုတဲ့ပွဲမှာ စိတ်သစ်လူသစ်ဖြစ်မနေဘူး။ တစ်နှစ်မှာ ၁၂ လရှိတဲ့အထဲမှာ တစ်လမှပျော်ပွဲရွှင်ပွဲနဲ့ လွတ်တဲ့လမရှိဘူး။ ဒါတောင် သူများနိုင်ငံက ယဉ်ကျေးမှုလို့သတ်မှတ်တဲ့ New Year ကိုပွဲလုပ်လိုက်သေးတယ် ဆိုပြီးပြောလို့ သူငယ်ချင်းတွေနဲ့ စကားများရပါသေးတယ်။ ကျွန်တော်ကအဲလို ဇောက်ထိုးဖြစ်နေတဲ့ အတွေးတွေနဲ့လူပါ။ အရာရာနဲ့ ဆန့်ကျင်ဘက်ဖြစ်နေတတ်တာလား မသိပါဘူး သေချာတာ တစ်ခုကတော့ ကျွန်တော်ဟာ စစ်မှန်တဲ့ပျော်ရွှင်မှုကို လိုလားတတ်သူတစ်ဦးပါ။ စစ်မှန်တဲ့ပျော်ရွင်မှုဆိုတာကလည်း မိမိခန္ဒာထဲမှာပဲရနိုင်တဲ့ အရာဆိုတော့ နေ့စဉ် နေ့တိုင်း မိနစ်စက္ကန့်တိုင်း သတိနဲ့စိတ်ကို စောင့်ကြည့်နေသင့်ပါတယ်။ တဖြည်းဖြည်းနဲ့ ပါရမီဆိုတာဖြစ်လာအောင် ဘ၀ဆက်တိုင်း လေ့ကျင့်မှုယူနေရတဲ့ အရာဆိုတော့ တခဏလေးနဲ့တော့ မဖြစ်နိုင်ဘူး ထင်ပါတယ်။ ဒါတွေကြောင့်ပဲ ကျွန်တော့်အတွေးတွေ၊ စိတ်တွေက အပြောင်းအလဲတစ်ခုအပေါ် မူတည်ပြီး ပြောင်းလဲမနေတတ်တာလား။ ဘာဘဲဖြစ်ဖြစ်ပါ 2008 ကနေ 2009 ကိုပြောင်းမယ့် နေ့လေးတစ်နေ့မှာ ကျွန်တော်တွေးမိတဲ့ အတွေးလေးတွေကို ဆွဲထုတ်လိုက်ခြင်းပါ။ လူတိုင်း လူတိုင်း ကိုယ်ပိုင်အမြင်နဲ့တွေးခေါ်ယူဆချက်တေ၊ွ စံသတ်မှတ်ချက်တွေ၊ စည်းကမ်းတွေ၊ ဓလေ့ထုံးစံတေ၊ွ အစဉ်အလာတွေ၊ ဆန်းသစ်မှုတွေ အားလုံးပါဝင်တဲ့ ကိုယ်ပိုင် ဘ၀လေးတစ်ခုစီတော့ ရှိကြမှာပါပဲ။ ကိုယ့်အတွေး သူ့အတွေး မျှဝေခံစားရင်း ဘ၀ခရီးကို ရဲဝံ့စွာလျှောက်လှမ်းကြတာပေါ့။ 2009 ဆိုတဲ့ နှစ်သစ်အပေါ်မှာ သာမာန်ထက်ပိုတဲ့ တွေးခေါ်မျှော်မြင်မှုတွေ အောင်မြင်မှုတွေနဲ့ လျှောက်လှမ်းနိုင်ကြပါစေလို့ ......
No comments:
Post a Comment